Nangipatungpal iti greyhound inspection kadagiti selda dagiti kameng iti Bureau of Jail Management and Penology (BJMP)- Male Dormitory ken Baguio City Police Office- City Mobile Force Company(BCPO-CMC) idi December 10, 2025.
Iti panakiuman iti Bombo Radyo kenni Jail Chief Inspector Dexter Ngipol,ti baro a City Jail Warden iti Baguio City Jail-Male Dormitory, maysa a direktiba manipod iti headquarters ti nasao nga operasyon rason a mamin-dua iti tunggal bulan a maipatpatungpal daytoy.
Sigun kenni Ngipol, napateg ti panakaipatungpal daytoy tapno malikikan ti panaka-iyuneg dagiti kontrabando kadagiti pagbaludan ken tapno madalusan ken maikkat dagiti nuisance contraband.
Malaksid iti dayta, maipatpatungpal ti greyhound inspection tapno mamintinir a drug-free dagiti pagbaludan.
Mainaig ti dayta, agtultuloy a drug-free facility ti nasao nga opisina saan laeng a kadagiti balud wenno Persons Deprived of Liberty(PDLs) nu di ket uray kadagiti empleyado.
Iti agdama,naobserbaran a bumabbaba ti congestion rate iti nasao a pagbaludan nu sadino, dumanon iti 205 a balud ti adda ita iti male dormitory.
Kaadwan kadagiti kaso a sangsangwenda ket ti adda pakainaiganna iti iligal a droga, estafa, ken daduma pay.//Bombo Noveh Organo
