Nangisayangkat iti misa ti grupo a Clergy for Good Governance para iti House prosecution panel itay agsapa kas panagsagana iti impeachment trial ni Vice President Sara Duterte iti sumaruno a lawas.
Iti naisayangkat a “Holy Mass for Truth, Justice, and Accountability,” kinuna ni lead prosecutor ken Batangas Rep. Gerville Luistro a saan a nalaka ti sumango iti impeachment court, ngem impeksana a maysa a pammadayaw nga ilaban ti interes iti publiko ken ti Constitution.
Kiniddawna ti kararag iti publiko para iti naballigi a panagabante iti kaso.
Kabayatanna, ginuyugoy ni Msgr. Mel David iti Parañaque ti prosecution panel nga aramidenda ti pagrebbenganda a natured ken patas iti panangidatag iti ebidensia, a sigun kadakuada ket agserbi a boses iti kinapudno ken hustisya para iti tunggal Pilipino.
