“Bakit natin tatanggapin siya?”
Dayta ti inyebkas ni Ruel Caricativo- Staff iti Tongtongan ti Umili seknan kontra kenni US President Donald Trump.
Daytoy ket kagiddan ti agtultuloy a panangkontrada iti nasao a presidente gapu iti Pax Silica ken panag-dar-ay daytoy iti ASEAN SUMMIT 2026.
Sigun kenni Caricativo, nabatad dagiti krimen nga inar-aramid ti opisyal no sadinno isuna ti nangirugrugi iti gulo iti gulo iti sumagmamano a lugar kaduana dagiti sumagmamano nga opisyales daytoy. Karamanen ditoy ti panangrautda iti Iran a nangipaay dakkel nga epekto iti supply ken presyo dagiti petrolyo.
Kabayatanna, sigun iti spokesperson ti Anakbayan Metro Baguio, mamati daytoy nga adda ti pagturungan dagiti protesta nga ipatpatungpal dagitoy.
Inlawlawagna a nupay saan a direkta nga apektado dagiti estudyante , makitkita dagiti epekto iti dadduma a banag.
Kinunana pay a nupay saan nga iti Rehiyon Cordillera ti pakaipasdekanna ti Pax Silica, nabatad nga adda ti U.S.–Philippines Critical Minerals Agreement no sadinno konektado daytoy iti nasao a proyekto, rason tapnu adadda a kalkalampagenda ti gobierno. //via Bombo Noveh Organo











