BAGUIO CITY – Naibaluden dagiti innem a babbae a miyembro ti maysa a grupo dagiti agtatakaw kalpasan a kinemmeg dagitoy dagiti kameng ti Baguio City Police Office Station 7 idi kanikadua.
Nabigbig dagity a da Theresita Medina Fulgencio, 64-anyos; Lorna Miranda Pagod, 51-anyos; ken ni Susan Ipac Imperio, 57 anyos a bin-ig a residente of Carmen West, Rosales, Pangasinan; da Gloria Ferrer Sinco, 62-anyos ken Grace Venturia Talania, 41-anyos nga agpada a residente ti Pugo, Sinait, Ilocos Sur; ni Imelda Tabay Sinco, 49-anyos a residente ti Bungro, Cabugao, Ilocos Sur ken ti managan Estrella Galvez; ken Suzete Tinaza.
Nakemmeg dagiti nasao nga suspek kalpasan a biniktimada ti uppat nga indidual iti sentro ti siudad ti Baguio.
Sumangsang-at laeng dagiti nasao a babbai ditoy siudad tapnu agtakaw ken agsipdot.
Maibasar iti rekord ti BCPO Station 7 ket dagiti nasao a babae ti responsable kadagiti napaspasamak a kaso ti slashing ken panagsipdot iti kallabes ditoy siudad.
Mainaig iti daytoy, kinuna ni PCIns. Marlo Evasco, dadaulo ti nasao a kuwerpo ti pulisya, arigna nga adda ti tumultulong kadagitoy gaputa adda ti abogado a nagparang iti opisina dagitoy.
Innayona pay a malaksid kadagiti nakemmeg ket adda pay ti kakadwa dagitoy a nakalibas.
