Mangisayangkat ti grupo nga Alliance of Concerned Transport Organization (ACTO) ti tranport holiday wenno tigil pasada ita nga aldaw.
Sigu kenni Liberty De Luna, dadaulo ti nasao a grupo, daytoy ket gapu ta saanen a kaya dagiti drayber ken operator dagiti pampasahero a jeep ti agtultuloy a panagngato ti petrolyo iti pagilian.
Inlawlawag daytoy nga saanda a rumwar ita nga aldaw nga agpasada.
Kayat ni nasao a grupo nga iparikna kenni President Ferdinand Marcos Jr. a marigrigatanen ti sektor ti transportasyon babaen iti nasao a holiday season.
Kabayatanna, kinaselar ti grupo a Federation of Jeepney Operators and Drivers Association of the Philippines (FEJODAP) ken Liga ng Transportasyon at Operators sa Pilipinas (LTOP) ti tigil pasada dagitoy.
Sigun kadagiti nasaoa grupo, imbes a transport holiday, makisaritada kitdi iti panagtatalantan iti nasao nga isyu kadua ti Department of Transportation (DOTr) ken Land Transportation Franchising and Regulatory Board (LTFRB). //bombokcs