Saan nga umannamong ti Teachers’ Dignity Coalition (TDC) iti pammilin ti Presidente a mainayon ti Bagong Pilipinas Hymn ken pledge kas paset iti flag ceremonies dagiti gobierno, ahensya ken kadagiti pagadalan agsipud ta impractical daytoy wenno saan a kasapulan.
Sigun kenni Teachers’ Dignity Coalition (TDC) chairperson Benjo Basas umdasen iti bayat iti flag ceremonies ti panagkanta iti Lupang Hinirang ken iti panagrecite iti Panatang Makabayan ken iti Panunumpa iti bandera iti Pilipinas.
Kinunana a napintas daytoy agsipud ta addaan daytoy iti national consensus kas paset ti cultural heritage partikular ti National Anthem.
Patienna a makaapekto daytoy iti learning time dagiti estudyante agsipud ta dumanon ti Bagong Pilipinas iti uppat a minutos bayat a mainayon pay dagiti sigud National Anthem ken dadduma pay.
Nupay Kasta, inaklon ni Basas nga awan ti maaramidan dagitoy agsipud ta imbilin daytoy ti opisina ti Presidente. Kabayatanna, maipalagip nga immunan a pinirmaan ni Executive Secretary Lucas Bersamin ti Memorandum Circular No. 52, a mangibilbilin kadagiti amin a national government agencies ken educational institutions nga inayonda ti “Bagong Pilipinas” (New Philippines) hymn ken pledge kas paset ti linawas a flag ceremonies dagitoy.
