Inwaragawag dagiti grupo ti transportasion a Manibela ken Pinagkaisang Samahan ng mga Tsuper at Operators Nationwide (Piston) a mangipatungpalda ti transport strike, mangrugi inton Lunes, April 15 angingga April 16 kas protesta iti umad-adani a deadline para iti consolidation dagiti prangkisa babaen ti Public Utility Vehicle Modernazation Program.
Kasaruno daytoy iti kinuna ni President Ferdinand Marcos Jr. a saan a maitantan ti Franchise consolidation ti Land Transportation Franchising and Regulatory Board nga agpatingga intun Abril trenta iti agdama a tawen.
Sigun kenni Mar Valbuena Presidente ti Manibela, saan dagitoy a kabaelan a gatangen dagiti modern minibus gapu iti presio ken kasapulan ti panagrehistro kadagiti transport cooperatives.
Innayon pay ti nasao nga opisyal nga ipangpangruna dagiti pasahero dagiti traditional jeepneys nu ti modernize mini bus gapu iti dakkel a diperensia iti plete.
Maipalagip a nairanta ti Franchise consolidation iti pannakasukat dagiti traditional jeepneys kadagiti baro a minibus.
