Impeksa ni Baguio City Councilor Vladimir Cayabas, Chairman iti Committee on Education, Culture, Creativity, and Historical Research, a maysa a karit ti mapaspasamak a bullying iti sumagmamano a pagaladan iti isudad iti Baguio.
Iti pannakiuman iti Bombo Radyo kenkuana, impeksana a karit daytoy saan laeng para iti Department of Education nu diket para kadagiti nagduduma ngaa stakeholders ken iti lokal a gobierno iti siudad.
Impeksa pay ni Councilor Cayabas masapol a mapainget ti implementasyon iti DepEd Order No. 006, s. 2026 wenno Guidelines on Ensuring a Safe and Motivating Learning Environment kasta metlaeng iti panangpapigsa iti Information and Education Campaign (IEC) mainaig iti bullying nangruna kadagiti pagadalan iti siudad.
Innayonna pay a napateg ti partisipasyon dagiti nagduduma nga stakeholders nangruna dagiti nagannak dagiti estudyante ta dagitoy ti umuna a mangisursuro kadagiti annakda.
Patienna met ni Councilor Cayabas nga ar-aramiden dagiti pagadalan dagiti pagrebbenganda ngem kasapulan nga mangaramid dagitoy iti strategy tapno ma-improve ti implementasyon dagitoy.
Kabayatanna, inlawlawag pay ni Cayabas a mabalin nga umasideg dagiti nagannak dagiti biktima iti Public Attorney’s Office, kasta met kadagiti legal officers iti DepEd- School Division Office.
Imbinglayna pay a silulukat ti opisina na tapno mangilawlawag kadagiti kasapulanda nga aramiden ken kasta met a nakasagana daytoy a mangipaay iti tulong kadagiti biktima iti nasao nga insidente.
Impeksa pay ti konsehal a napateg ti aktibo a partisipasyon dagiti nagannak iti biag dagiti annakda aglalo iti panagadalda.
Nagpalagip met daytoy kadagiti estudyante nga agar-aramid iti saan a nasayaat kadagiti padada nga estudyante a mabalin a makaperdi daytoy iti masakbayan dagiti biktima iti bullying. | via Bombo Khey Reparip
