--Ads--
BAGUIO CITY – Nai-turn over iti Criminal Investigation and Detection Group Ilocos Sur ti No. 3 Top Most Wanted Person ti Ilocos Sur PNP nga immunan a nakemmeg sadiay Brgy. Malubibit Norte, Flora, Apayao idi kalman.
Nabigbig daytoy a ni Ruel Teves Magbulos, 47, miyembro ti Igne-Rosete group nga adda pakainaiganna iti gun for hire activities, ken agdama nga agnanaed iti nasao a lugar.
Nakemmeg daytoy babaen iti bileg ti warrant of arrest nga inserbi ti nagtitipon a pwersa ti nagduduma a unit ti pulisya gapu pay laeng iti kaso daytoy nga adda pakainaiganna iti panaglabsing iti Comprehensive Dangerous Drugs Act of 2002.
Nakumpiskar pay iti nasao nga operasyon ti maysa a caliber colt 45 a pistol nga addaan iti pito a bala manipud iti suspek.
