--Ads--
BAGUIO CITY–Pimmusay ti maysa a security guard kalpasan a naiyanod daytoy iti napigsa nga ayus ti danum sadiay Camp 5, Itogon, Benguet idi kalman.
Iti eksklusibo nga interview ti Bombo Radyo-Baguio ken ni Itogon Mayor Victorio Palangdan, kinunana a sumrek koma ti nasao a guardia iti trabaho daytoy idi naiyanod iti napegges a danum.
Nabigbig ti biktima a ni Lito Lacuna, addaan iti legal nga edad ken residente ti Balatoc, Itogon, Benguet.
Sigun iti mayor, adda dagiti indibidual a timmulong iti biktima ngem idi naitaray iti pagagasan ket naideklara daytoy a dead on arrival.
