--Ads--
Nakwalipikar ni gymnast Emma Malabuyo manipud iti pagilian a Pilipinas para iti 2024 Paris Olympics kalpasan a naiyawidna ti bronze medal iti individual all-around event iti Asian Gymnastics Championships idiay Uzbekistan.
Kinumpirmar daytoy ti Gymnastics Association of the Philippines.
Gapu iti daytoy, nalaos ti panagyaman ni Emma agsipud ta dakkel nga oportunidad daytoy para kenkuana.
Kabayatanna, manamnama a makikadua daytoy kaduana dagiti kapadana a gymnast pakairamanan da Carlos Yulo, Aleah Finnegan, ken Levi Ruivivar para iti umadanin a Paris Olympics.
