Agtalinaed iti kustodiya ti Senador ni Pacifico “Curlee” Discaya II kalpasan nga imbasura ti Pasay City Regional Trial Court Branch 498 ti impila ti kampona a habeas corpus petition.
Sigun iti korte, awan ti umno nga ebidensia a mangipakpakita iti grave abuse of discretion ti Senado iti pannakaibalud ti Discaya.
Kinumpirmar daytoy ti abogadona a ni Atty. Cornelio Samaniego III, a maibagbaga a padpadasenda a makaala ti opisial a koppia ti desision.
Maipalagip a na-cite in contempt ni Discaya bayat ti panagdenggeg ti Blue Ribbon Committee idi Setyembre 18 kalpasan a mapapati a nagulbod seknan iti iregularidad kadagiti flood control projects.
Agtaltalinaed ti takder ti Senado a lehitimo ken maitunos ti Constitution ti addang nga inaramidda.