BAGUIO CITY- NAPASARAN manen ti hail storm sadiay Paoay, Atok Benguet idi Sabado.
Segun kenni Barangay Kapitan Leo Cawaing, nagrugi ti panagtudo iti Ice iti agarup alas tres ti malem ken nagleppas daytoy kalpasan ti 30 a minuto.
Kinunana nga idi napalabas a bulan ket nakapasarda metlaeng iti hail storm ngem saan a kas iti kapigsa ti napasaran dagitoy idi Sabado.
Inayona a sumagmamano laeng a mannalon ti naapektaran iti daytoy partikular daiti ada sadiay Upper Taway.
Dinakamatna nga ada metlaeng dagiti nadadael a green house ngem manmano laeng daytoy.
Kinunana met nga itay agsapa ket ada dagiti nagturong a kameng ti Department of Agriculture- Cordillera sadiay para iti assessment dagiti mula a nadadael gapu iti hailstorm.