--Ads--
Inwaragawag ti Malacañang a maisayangkat ti half-day work-from-home (WFH) arrangement kadagiti dadduma nga opisina ti gobierno intun April 1 kas panangobserbar iti Holy Week.
Sigun kenni Palace Press Officer Undersecretary Atty. Claire Castro, mangrugi ti WFH setup iti 8:00 a.m agingga iti 12:00 ti malem.
Malaksid iti dayta, suspindedo metlaeng ti trabaho kadagiti opisina ti gobierno, mangrugi iti 12:00 ti malem iti nasao nga aldaw.
Nupay kasta, saan a karaman ditoy dagiti ahensia ti gobierno a mangipapaay iti health services, preparedness/response to disasters and calamities, ken dadduma pay.
Kabayatanna, nawaya dagiti pribado nga establisimiento a mangikeddeng no iyemplementarda wenno saan ti work suspension.
