Inwaragawag ti Hamas a wayawayaanda dagiti bangkay ti uppat nga Israeli hostages inton Huebes, agraman ti dua nga ubbing a da Kfir ken Ariel Bibas nga iggem ti grupo.
Malaksid iti dayta, palubusanda pay ti innem a nabiag a kautibida inton Sabado, imbes a dagiti tallo nga indibidual, sigun iti dadaulo ti negotiating team a ni Khalil Al-Hayya.
Kinumpirmar ti Israeli Prime Minister’s Office idi kalman a naaramid ti katulagan bayat ti negosasion idiay Cairo para iti uppat a napapatay a hostage a maited inton Huebes ken innem a sibibiag a hostage a mawayawayaan inton Sabado.
Innayonna nga uppat a kanayonan a napapatay a hostage ti manamnama a maited iti Israel inton sumaganad a lawas.
Manamnama met a wayawayaan ti Israel dagiti balud a Palestinian kasukat dagiti Israelis.
Maatap a ti agtawen ti siam a bulan ken uppat a Bibas children a nakautibo dagiti Hamas idi Oktubre tawen 2023 ket pimmusayen.
Nupay kasta, saan pay a kinumpirmar daytoy ti Israel.
