BAGUIO – Maisayangkaten inton bigat ti Handog Pasasalamat Free Concert, Free T-shirt ti Bombo Radyo ken Staf FM kagiddan ti panagrikep ti Baguio Flower Festival wenno Panagbenga.
Maangay ti konsierto iti Upper Session Road a mangrugi iti alas kwatro ti malem.
Mangrugi daytoy babaen iti panakaipabuya ti Ilonggo Music Festival ken maitampok met laeng dagiti banda a Fantastic Duo, Don Hashbrown, Something Special Band ken Jon’s Project.
Malaksid iti daytoy ket makirambak met laeng dagiti sponsors babaen iti panangidauloda iti sumagmamano nga ay-ayam ken ipaayanda iti premyo dagiti mangabak.
Maipalagip a nangrugi ti libre a libreng konsyerto ti Bombo Radyo Philippines ditoy siudad ti Baguio idi 2001.
Ti Handog Pasasalamat Free Concert, Free T-shirt ket para kadagiti mangsupsuporta ken kanayun nga agdengdengngeg iti numero uno nga istasyon ti radyo ditoy siudad, ti Bombo Radyo.
