Impablaak ti Department of Health ita nga aldaw nga agretiron ni Health Undersecretary Enrique Tayag kalpasan ti nasurok tallo pulo ket lima a tawen ti serbisyona.
Sigun kadagiti executive committee ken staff ti nasao nga ahensya, pinagyamananda ni Tayag gapu iti naisangsangayan a serbisiona maipapan iti salun-at dagiti indibidual iti pagilian.
Kinuna ni Herbosa a naimatanganna nu kas ano a nagserbi ni Tayag manipod idi baro a doktor daytoy agingga a nagbalin nga opisial iti gobierno iti napalabas a manu a tawen.
Patien pay ni Herbosa a ti panagayat ni Tayag iti serbisyona ket ituloyna kalpasan ti panagretirona.
Mangrugi inton Abril a kinse, sukkatan ni Officer-in-charge Assistant Secretary Albert Domingo ni Tayag kas pannakangiwat ti nasao nga ahensia.
Ti akem ni Tayag kas dadaulo ti Department of Health Public Health Public Health Services Cluster (PHSC) a mangay-aywan iti epidemiology, disease prevention and control, ken health promotion ket imaton met ni Assistant Secretary Ariel Valencia.
Kabayatanna, ni Health Undersecretary Emmie Liza Perez-Chiong ket agserbi kas baro a Chief Information Officer a mangaywan ti digital health ken health information systems.
