Inwaragawag ti Bureau of Corrections (BuCor) a ti Heart disease ti kadawyan a sakit a rason iti ipupusay dagiti persons deprived of liberty (PDLs) iti pagbaludan ti pagilian.
Maibasar iti datos manipud 2022 agingga 2025, dumanon iti 445 dagiti balud a pimmusay gapu iti acute myocardial infarction wenno heart attack iti New Bilibid Prison.
Nalab-awan ti 234 a bilang ti pimmusay gapu iti pneumonia.
Sinaruno ti 71 a bilang dagiti pimmusay gapu iti respiratory failure.
Kabayatanna, rank 6 ti Tuberculosis iti deadliest health threat iti pagbaludan no sadino, dumanon iti 59 ti bilang dagiti pimmusay gapu iti daytoy.
Sigun kenni Chief Superintendent Ma. Cecilia Villanueva, director ti Health and Welfare Services, cardiovascular ken respiratory illnesses ti kangrunaan a rason iti ipupusay dagiti balud ita.
Nupay kasta, makapadamag metlaeng ti Tuberculosis a sigud a kangrunaan a rason ti ipupusay dagiti deprived of liberty (PDLs) gapu iti kinailet ken nakapuy a “ventilation” dagiti pagbaludan.
Kabayatanna, napaliiw dagiti Health officials a nalaka a makaptan iti sakit ti puso dagiti PDL gapu iti stress, poor diet, kurang nga ehersisio, panagsigarilio, ken limitado a pannakagun-od iti naintiempuan a medical intervention iti uneg dagiti napusek a pasilidad.
