Dumanon paylaeng iti agingga 27 degrees celcius ti kabaraan a temperatura ti Baguio City ita a mapaspasaran ti El Niño phenomenon iti pagilian.
Iti interview ti Bombo Radyo kenni Mar Santos, Weather Observer ti Philippine Atmospheric, Geophysical, and Astronomical Services Administration – Baguio, agay-ayam iti 25 agingga 27 degrees celsius a heat index ti mailislista dagitoy.
Sigun kenni Santos, manamnama nga agpaut ti nabara a panawen agingga iti ngudo ti bulan ti Mayo.
Kalpasan dayta, mapasaran met ti ENSO-neutral kadagiti umuna nga al-aldaw ti bulan ti Hunyo ken mangrugi ti La Niña phenomenon kadagiti sumarsaruno pay nga aldaw iti kapada metlaeng a bulan.
Iti sabali a bangir, kinuna ni Santos a manamnama ti agarup sangapulo ket siyam a bagyo a dumalapos iti pagilian iti agdama a tawen.//Bombo Rob Dominguez
