Inpangato ti Department of the Interior and Local Government (DILG) ti alert level para kadagiti Local Government Units (LGUs), nangruna iti Northern Luzon ken dadduma pay a hazard-prone areas gapu iti posible a panaglandfall ti Super Typhoon Bavi iti Philippine Area of Responsibility (PAR).
Iti statement ti DILG, nabilin dagiti lokal a gobierno nga isaganada ti disaster response mechanisms dagitoy ken siguraduenda a nakasagana dagiti komunidad a napeggad iti kanito a kumaro ti sitwasyon.
Sigun iti ahensiya, panawenen tapno agsagana ken agtignay iti nasapsapa tapno masalakniban dagiti residente.
Immunan a nangidatag ti National Disaster Risk Reduction and Management Council (NDRRMC) iti heightened alert kas panagsagana iti epekto ti bagyo.
Kabayatanna, impakaammo ti Department of Social Welfare and Development a nakasagana dagitoy a mangipaay iti tulong iti kanito nga adda dagiti maapektaran.
Apaman a makastrek ni Super Typhoon Bavi iti Philippine Area of Responsibility, managanan daytoy iti “Inday.”
Maibasar iti kaudian a report manipud iti PAGASA, posible a sumrek ti bagyo iti Philippine Area of Responsibility iti rabii ti Martes wenno agsapa ti Mierkoles.