IRAN- Manarimaan ti panagsapul dagiti otoridad sadiay Iran iti maysa a helicopter a nagluganan ni Iranian President a ni Ebrahim Raisi ken ti foreign minister-na a ni Hossein Amirabdollahian, kalpasan a nagcrashed idi kalman sadiay Azerbaijan province bayat ti panagballasiwda iti bantay nga addaan ti nakaro nga ulep iti panagsublida manipud iti panagbisitadaa iti beddeng ti nasao a lugar.
Sigun kadagiti opisial iti nasao a lugar, marigatan dagiti rescue team a mangbiruk iti nasao a helicoter gapu iti saan a nasayaat a paniempo.
Kabayatanna, insardeng iti State TV ti amin a regular a programana dagitoy tapno ipaayda ti panagkararag iti intero a pagilian ti Iran para kenni Iranian President Raisi ken ti foreign minister-na bayat a maipakpakita iti live screen dagiti rescue teams a mangsapsapul iti kabambantayan iti tengga ti nakaro nga ulep.
