BAGUIO CITY – Pagnumnumaran ti ado nga indibidual ti naispasdek a booth para kadagiti vaccinees nga awanan ti smart phones wenno saan a makabael nga aggaraw ti computer tapno i-download ti COVID-19 vaccination passport ken vaccination certificate dagitoy.
Naipatakder dagiti HELP BOOTHS iti flag pole area ti City Hall ken iti Rillera Building a masarakan sadiay Baguio City Public Market.
Babaen kadagitoy a booths, asistaran ti maseknan a personnel ti publiko iti pre-registration iti website a bakuna.gov.ph nga official vaccine registration portal ti siudad.
Immuna iti daytoy, nakaawat ti lokal a gobyerno kadagiti reklamo seknan iti panagparehistro iti website ti siudad gaputa adu kadagiti travellers ti saan a makasurot iti proseso.
Gapu iti daytoy, napanunot ti lokal a gobyerno ti mangipasdek iti help booths tapno maakomodar dagiti agkasapulan nga indibidual.
