--Ads--
BAGUIO CITY – Sumangsango iti kaso a panaglabsing iti RA 9165 wenno Comprehensive Dangerous Drugs Act of 2002 ti maysa a helper kalpasan a natiliw iti buy-bust operation sadiay Toyong, Pico, La Trinidad, Benguet itay laeng nabiit.
Nabigbig daytoy a ni Romy Alipio Depdepen, 64-anyos, tubo ti Sudipen, La Union ken residente ti Parapad, North Sanitary Camp, Baguio City.
Maibasar iti rekord ti pulisya, maibilbilang ni Depdepen a high value individual a drug personality.
Kabayatan ti operasyon ket nakumpiskar kenkuana ti dua a pakete ti maatap a shabu nga agdagsen ti 0.97 gram ken narekober metlaeng ti naaramat a buy-bust money.
