BAGUIO CITY|Naisubmitiren ti courtesy resignation ken ni Presidente Ferdinand Marcos Jr. ti sangagasut a porsiento dagiti opisyal ti Police Regional Office Cordillera level 3 a pakairamanan ti dua a brigadier generals ken sangapulo ket lima a koronel kas pannakikaykaysa iti awag ni Secretary of Interior ken Local Government Benjamin “Benhur” Abalos Jr.
Iti pannakiyuman ti Bombo Radyo, Kinuna ni Regional Director Araceli San Jose, a naan-anay a suportaran ti Department of Interior ken Local Government Cordillera ti awag ni Secretary Abalos.
Kabayatanna, naan-anay met ti panagtalek ti Department of Interior ken Local Government Cordillera ken ni Mayor Benjamin Magalong a maysa kadagiti 5-man committee a mangsala kadagiti courtesy resignations a maawat.
Immunan nga impasigurado ni Abalos a nadalus ken awanan ti illegal a droga dagiti kameng ti makunkuna a 5-man committee.
Maipalagip a nainaganan ni Mayor Benjamin Magalong ket maysa a retirado a heneral ti polis a nangidaulo met ti imbestigasion ti nadara a panagsasabet ti 44 Special Action Force ken ti Bangsamoro Islamic Freedom Fighters ken paset met ti imbestigasyon ti Senado mainaig kadagiti ninja cops a kukua ti recyclers ti illegal drugs a naaresto idi 2019.
Mainaig iti dayta, uray makuna nga adda dagiti rinuker nga opisyal ti PNP, patien latta ti DILG Cordillera a nadalus ti ranggo ti Cordilleran Polis kas naituding met daytoy a “Home of the Most Disciplined Cops.”
Kabayatanna, Kalpasan a sukimaten ti 5-man committee dagiti resignations, repasuen daytoy ti NAPOLCOM sakbay a maaramid ti maudi a desisyon
