Naituding a mangipila ti pormal a reklamo ti hepe ti Criminal Investigation and Detection Group (CIDG) a ni Police Major General Nicolas Torre III kontra kadagiti vlogger a mapapati nga agiwarwaras ti palso nga impormasion a mangibagbaga nga isuna ket naospital, nga inlibak met ni Torre.
Kinuna ni Torre a panggepna a mangipila ti kaso iti sidong ti Cybercrime Prevention Act, nangruna ti Unlawful Use of Means of Publication and Unlawful Utterances iti sidong ti Revised Penal Code.
Ti kaso ket nagtaud iti maysa a pablaak iti social media nga agnagan ti “Jun Abines.”
Nangipablaak gamin ni Abines ti ladawan a mangipakpakita kenni Toree ken addaan ti nakasurat nga “Isinugod daw sa ospital si Gen. Nicolas Torre?”
Pinaglibakanna ti Toree ti nasao a banag, ken ti pablaak ket nakaapektar iti pamiliana, gagayyem, ken katrabahuanna.
Iti agdama, awanen ti ladawan a naipablaak.
Awan pay ti komento ni Abines iti nasao a banag.
