BAGUIO CITY-Naipaayan iti scholarship grant ti taxi driver a nangisubli iti bagahe ti maysa nga Australian businessman a nagturong ditoy siudad ti Baguio itay kanikadua.
Agadal ni Regie Cabututan iti maysa a 6-month course ken kalpasanna ket maipaayan iti internship iti maysa nga Australian company.
Iti kanito a maileppas ti nasao a taxi driver ti kurso daytoy ket posible a makatrabaho daytoy sadiay Australia ken maaddaan iti starting salary a P1.7 million bayat a naipaayan met laeng iti scholarship grant ti anak ti nasao a taxi driver.
Binigbig met ti lokal a gobierno ti siudad ti Baguio ti naaramidan ni Cabututan ken naipaayan daytoy iti certificate.
Maipalagip nga idi Sabado ket nabati ti Australiano a negosyante a ni Trent Shield ti bagahe daytoy a naglaon iti passport, nagkakapateg a dokumento, gadgets ken kuarta iti taxi nga imanmaneho ni Cabututan, banag a dagus nga insubli ti driber.
Ni Cabututan ket agtawen iti 30, residente ti Rosario, La Union ken driber ti Dustin Brant Taxi nga agbibiahe ditoy siudad ti Baguio
