Inyebkas dagiti tallo a kandidato iti lokal nga aleksion nga impaayan ti Commission on Elections ti show cause order a kayatda nga agtulnog, ken panekneknan a saan a pudno ti reklamo kontra kadaukada a vote-buying sakbay ti midterm elections iti umay a bulan.
Sigun kenni Manila City Mayor Honey Lacuna-Pangan, nga agngayngayan manen ti kina-mayor, surutenna ti show cause order nga inruar ti poll body.
Iti met joint statement, kinuna ni Marikina 2nd District Representative Stella Quimbo ken ti asawana a ni Romero “Miro” Quimbo, a sungbatanda ti imbilin ti nasao nga ahensia, ken inlawlawagda a paset laeng daytoy ti reklamo ken saan a mangipasimudaag a maysa a kaso.
Ni Lacuna, kasta metten ni Stella ken Miro Quimbo ket karaman kadagiti kandidato iti midterm elections a naipayaan ti show cause orders tapno ilawlawag ti bennegda seknan iti alegasion ti vote buying ken ‘abuse of state resources (ASR).
