Kinumpirma ti hostile witness a ni sigud nga Office of the Vice President (OVP) Special Disbursing Officer (SDO) Gina Acosta iti testimonyana nga inbilin ni Vice President Sara Duterte ti panangipaay iti P125 Milyon a confidential funds kenni Colonel Raymung Dante Lachica.
Hostile witness, kinumpirmang iniutos ni VP Sara na ibigay ang P125-M kay Col. Lachica
Sigun kenni Acosta, inawaganna met a dagos ni Col. Lachica kalpasan a ma-encashna wenno masukatanna ti tseke ti confidential funds.
Ni Col. Lachica ti dadaulo idi iti Vice Presidential Security and Protection Group (VPSPG).
Imbutaktak metlaeng ni Acosta nga impaayna ti nasao a gatad kenni Lachica gapu ta umuna, imbilin daytoy ni Vice President Sara Duterte kas dadaulo ti nasao nga opisina ken gapu ta ni Lachica ti maysa kadagiti eksperto iti panangipatungpal iti confidential funds operation ti OVP.
Nadamag met ni Trial Presiding Officer Francis “Chiz” Escudero nu trabaho ti security officer a manggastos iti nai-disburse a confidential fund, banag a saan nga innanamongan ni Acosta.
Sigun kenni Acosta, ti laeng SDO ti makintrabaho iti daytoy. Nupay kasta, apaman nga inrelease nan ti kuwarta, responsibilidad metten ti security officer a mangisumitir iti utilization report kas pammaneknek iti anyaman a nakaigastosan ti confidential funds.
Kabayatanna, inbilin ni Trial Presiding Officer Francis “Chiz Escudero kenni Acosta nga agsubli daytoy inton bigat tapno ituloyna ti panagtestigona. //kcs//