Manarimaan ti hot pursuit operation dagiti otoridad kadagiti suspek a nangtambang iti maysa a kandidato nga agtartaray iti kina-board member ken iti drayber daytoy sadiay Maguindanao del Sur idi kalman.
Nabigbig ti biktima a ni Muhammad Utti Omar wenno paga-ammo kas “Datu Baba” ken ti drayber daytoy a ni Abel Bunsalagat Buisan.
Sigun iti Maguindanao del Sur Police Provincial Office , ni Omar ket nagsagrap iti minor injuries nupay kasta, ni Buisan ket nakapasar iti serious injuries.
Maibasar iti imbestigasyon, nagtaud ni Omar manipud iti proclamation rally ken kaduana ti draybe daytoy idi natambangan dagitoy dagitoy ti armado a lallalaki a nakalugan iti silver a minivan nga awanan iti plate number iti National highway ti Barangay Brar.
Nabaelan met ni Buisan a nagmaneho paturong iti police station sadiay Datu Odin Sinsuat, Maguindanao del Norte tapno agkiddaw iti tulong.
Iti panagresponde dagiti otoridad, dagus a pimmanaw dagiti suspek paturong Barangay Kedati, Talayan, Maguindanao Del Sur.
