Idagdagadag ita ni House Committee on Higher and Technical Education Chairman Jude Acidre iti Senado ti dagos a pannakaipasa ti ti House Bill No. 6643 wenno ti Bagong Balikbayan Act kabayatan iti pannagawid dagiti rinibribo nga overseas Filipino workers (OFWs) iti pagilian kalpasan iti holiday season.
Inyunayunay ni Acidre a napateg a maipasa ti nasao a gakat tapno dagos nga maistimar ken mapapigsa dagiti programa ti panangipaay ti tulong kadagiti Overseas Filipino Worker partikular iti panagserrekda iti dadduma a trabaho.
Ti nasao a gakat ket insurat ni House Speaker Ferdinand Martin Romualdez ken inapurbaran ti Kamara.
Gandat ti nasao a gakat a pagtitipunen dagiti reintegration services tapno agtultuloy latta dagiti suporta kadagiti agaw-awid nga overseas Filipino workers (OFWs).
Naaprubaran ti nasao a gakat iti Disyembre 16, 2025 ken naisumitir meten iti Senado. // Bombo Karen Calpoe Sapirao
