Agtaltalinaed a silulukat ti imbitasyon ti House Committee on Justice kenni Vice President Sara Duterte para iti panagdar-ay daytoy iti panagdengngeg intun Abril 22, 2026.
Panggep ti komite a denggen ti benneg ti Bise Presidente, seknan iti alegasyon ti “unexplained wealth” ken ti pannakasukimat ti Statements of Assets, Liabilities, and Net Worth (SALN) daytoy.
Kabayatanna, naituding nga isubmitir ti Anti-Money Laundering Council (AMLC) dagiti kaskenan a dokumento ken dagiti bank records ni VP Duterte.
Malaksid iti dayta, mangipaay ti Ombudsman, Securities and Exchange Commission (SEC), ken Bureau of Internal Revenue (BIR) iti dokumento tapno maberipikar ti sanikua ti Bise Presidente.
Sigun kenni Batangas 2nd District Representative Gerville Luistro, napateg ti presensiya ni VP Duterte iti umadani a panagdengngeg tapno malawlawagan ti publiko iti elegasyon a mangapapektar iti kredibilidad ti gobierno.
Innayonna a silulukat ti komite iti anyaman a panangilawlawag ni VP Duterte tapno masigurado a patas ken transparent ti proseso ti imbestigasyon.
