Isagsaganan iti House Committee on Justice ti committee report a naglaon iti resolusion ken Articles of Impeachment kontra kenni Vice President Sara Duterte.
Sigun kenni panel chair Rep. Gerville Luistro ken Rep. Joel Chua, maisimsimpan ti report ken puntiriada a maaprobaran inton May 4, kagiddan iti panagsubli ti session iti Kamara.
Nu maaprobaran, dagos a maisubmitir daytoy iti plenario. Kasapulan a saan a bumaba iti 106 a botos dagiti kameng iti Kamara tapno maipasa ti Articles of Impeachment ken maipatulod iti Senado.
Kinuna met ni Rep. Terry Ridon a manamnama a sumuporta ti nasurok kagudua kadagiti party-list representatives iti impeachment.
Sigun kenni Deputy Speaker Janette Garin, mangisaysayangkat iti nagduduma a panagtaripnong ti nagduduma a grupo ken partido, ngem “conscience vote” ti agbalin a basaran, isut gapuna nga adda iti tunggal kameng ti desision.
Innayonna pay a posible a two-thids ti partido a pabor iti impeachment, bayat a ti dadduma ket mabalin a saan nga umanamong gapu iti nagduduma a rason, karaman ti impluwensia kadagiti distritoda.
