--Ads--
Impakaammo ni House Committee on Good Government and Public Accountability chair Representative Joel Chua nga adda ti otoridad ti House Justice Committee nga alaen ti tax records ni Vice President Sara Duterte.
Inwaragawagna daytoy kas pammalawag seknan iti panag-subpoena ti Bureau of Internal Revenue (BIR) tapno mairuwar ti income tax returns (ITRs) ti bise presidente.
Sigun kenni Chua, adda karbengan ti komite a mangipaulog ti subpoena gapu ta saklawen daytoy ti Bureau of Internal Revenue.
Patien ti abogado a nupay saan pay a nalukatan ti green box a naglaon kadagiti tax records ni Vice President Sara, palubosan ti linteg a mairuwar ti nasao a rekord. //bombokaren.c.s
