Imbinglay ti prosekusyon ita nga aldaw nga agarup innem a bangkon ti nangisumitir iti bank records ni VP Sara Duterte ken asawana a ni Atty. Manases Carpio, kas inbilin ti Senate Impeachment court.
Sigun kenni private prosecutor ken spokesperson Atty. Benjamin Tolosa Jr, addan dagiti nasao a rekord iti kustodiya ti impeachment court ken mannarimaan ti inventory ken security procedures dagitoy.
Sigun kenni Tolosa, saan nga agdardaras ti senate impeachment court ken siguradoennda pay ti integridad dagiti nasao nga ebidensya.
Innayonna a ti napateg ita, adda daytoyen iti kustodiya ti impeachment court.
Impetteng pay ni Tolosa a maaramat dagiti nasao a records iti panangberipikar iti Statement of Assets, Liabilities and Net Worth (SALN) declarations dagiti agasawa. //kcs//
