--Ads--
Mangnamnama ti House prosecution panel a palubosan dagitoy ti Senate Impeachment Court a maipresentada amin dagiti iggemda nga ebidensya para iti impeachment trial kontra kenni VP Sara
Sigun kenni Manila Representative Joel Chua, miyembro ti prosecution panel, napateg a mailatag da amin dagiti iggemda ita nga ebidensya tapno maawatan ti publiko ti kinadagsen ti akusasyon kontra iti bise-presidente.
Impettengna pay a napateg a ti kinapudno ti rumbeng a maiparang iti nasao nga impeachment trial.
Innayon pay daytoy a nabayagen a pagsagsaganaanda ti nasao a trial ken aramidenda amin a kabaelanda tapno maipresentada dagiti ebidensyada.
Manamnama met a marugian ti impeachment trial ni VP Sara inton Hulyo 6. //bombokaren.c.sapirao
