Impeksa ti House prosecution team a saanda nga agbuteng iti posible a panagtestigo ni Colonel Raymund Lachica iti impeachment trial ni Vice President Sara Duterte.
Daytoy ti kinuna da House prosecution panel spokesperson ken private prosecutor Benjamin Tolosa, Jr. kalpasan nga inwaksi ni Lachica ti alegasyon a likliklikanna nga agtestigo.
Sigun kenni Tolosa, saan nga agbuteng ti prosecution ken nakasagana dagitoy a mangcross-examine kenni Lachica.
Inlawlawag ti nasao nga opisial nga ipresentar laeng ti prosecution team dagiti kasapulan a testigo tapno mapaneknekan ti kaso ti impeachment, ken saan a nasken a mairaman ni Lachica iti daytoy a kategorya.
Iti baet dayta, nakasagana dagitoy iti kanito nga imbetiran ti depensa ni Lachica.
Immuna a kinuna ni Senate impeachment court presiding officer Francis Escudero, Senator-judges Tito Sotto ken Bam Aquino a saan a makadangran ti kaadda ni Lachica kas saksi ken tapno malawlawagan no kasano a nagastos ti P500 million a balor ti confidential funds ti OVP.
