--Ads--
Imbinglay ni Baguio City Councilor Elmer Datuin a naaprubaranen ti ordinansa a mangideklara iti Hulyo 17 kas CPR Day iti siudad ti Baguio.
Sigun kenkuana, ti Cardio Pulmonary Resuscitation (CPR) ket napateg unay a maisuro iti publiko gapu ta napateg daytoy iti panangisalakan iti biag iti oras ti emerhensiya.
Innayonna pay a tarigagayda nga amin a residente ket masuroan iti umno a pannakaipatungpal ti CPR.
Inwaragawagna pay nga adda met ti naidonar a CPR kiosk ken machine manipud iti American Heart Association a makatulong a mangisuro iti CPR kadagiti residente.
Mangrugi ti nasao nga aktibidad inton Hulyo 17 iti Baguio City Hall ken ginuyugoyna dagiti residente a makipaset iti libre a panagsanay.//BomboKhey
