--Ads--
BAGUIO CITY – Nakemmeg ti maysa a High Value Individual a drug personality iti buy-bust operation nga insayangkat ti nagduduma nga yunit ti Kalinga Police Provincial Office idi kanikadua.
Nabigbig daytoy a ni Sherwin Waay Dalligus, 34-anyos, tricycle driver ken residente ti Lanna, Tabuk City, Kalinga.
Nakumpiskar iti daytoy ti uppat a pakete ti maatap a shabu nga agdagsen ti agarup nasurok 0.40 grams ken ti cellphone nga inaramatna iti transaksionda iti operatiba.
Narekober met ti naaramat a buy-bust money.
Sumangsango itan ni Dalligus iti kaso a panaglabsing iti RA 9165 wenno ti Comprehensive Dangerous Drugs Act of 2002.
