Nakalukat ni Filipino-American fighter Hyder Amil iti posibilidad iti “homecoming fight” iti Pilipinas kaspangarigan isubli iti UFC ti even iti pagilian.
Ni Amil, nga addaan iti rekord a 11-2, ken naituding a makasangona ni Christian Rodriguez iti UFC Fight Night idiay Las Vegas, nu sadinno panggepna a makasubli iti winning streak kalpasan ti dua nga agsaruno a pannakaabakda.
Sigun kenni Amil, dakkel ti kaipapanan para kenkuana ti makabalubal iti sanguanan dagiti Pilipino a fans, ken kayatna nga ipakita ti kinalaingna sakbay nga agbalin a maikari iti dakdakkel a laban ken posible a title run.
Imbinglayna ti panggepna a makasubli iti Pilipinas iti umno a gundaway, kalpasan ti maudi nga UFC event iti pagilian idi tawen 2015 iti Mall of Asia Arena, ken ti nakanselar a card na idi tawen 2016.
Sakbay ti laban, matalek ni Amil iti kabaelanna kontra kenni Rodriguez ken inawaganna ti bukodna a bagi kas maysa a “different kind of athlete,” bayat a planona a makasubbot ken makastrek iti contender picture iti division.
