![](https://img.bomboradyo.com/baguio/2019/11/loman2.jpg)
BAGUIO CITY – Balligi ti maikapat a panangidepensa ni Igorot mix martial artist ken Brave CF Bantamweight World Champion Stephen ‘The Sniper’ Loman iti titulona iti main event ti BRAVE CF 30 a naangay sadiay Hyderabad, India idi rabii ti Sabado, November 23.
Indepensa ti Team Lakay fighter ti titulona kontra kenni Louie ‘Leonidas’ Sanoudakis ti Canada.
Nangabak daytoy babaen iti unanimous decision.
Naipalagip a balligi a naidepensa ti 23-anyos a ni Loman ti titulona kontra kada Elias Boudegzdame, Felipe Efrain ken Frans Mlambo.
Nagun-odna ti belt idi inabakna ni Gurdarshan Mangat a nagresulta iti panagbalinna kas kaubingan ken first-ever world champion iti bantamweight division ti Brave CF.
Ti 30-anyos a ni Sanoudakis ti maysa kadagiti top bantamweight fighters ti Canada nga addaan ti dua a dominante a panangabak iti nasao nga MMA promotion.
Iggem ita ni Loman ti professional MMA record a 14 wins – 2 losses bayat nga iggem met ni Sanoudakis ti professional MMA record a 8 wins – 2 loss.