Nadutukan ni PMGEN. Edgar Alan Okubo, maysa nga Igorot, kas National Capital Region Police (NCRPO) Director idi nabiit pay.
Dumanon iti 13.4-Million nga indibidwal ti nasken a siguraduen ni PMGEN. Okubo nga adda iti natalged a kasasaad.
Akem metlaeng ti Major General a maipatungpal ti kapya ken talna iti Metro Manila nga ayan iti nasyonal a gobyerno iti pagilian.
Impanamnama iti Igorot two-star general bayat iti turnover ceremony nga aramidenna ti amin a kabaelanna tapno masigurado ti kinatalged iti masakupanna idiay Metro Manila ken ituloyna dagiti narugianen iti immuna kenkuana.
Imbinglay met ni PNP Chief PGEN. Rodolfo Azurin Jr. a dakkel ti panagtalekna iti kapabilidad ken leadership skills ni Major Okubo.
Nanggraduar ni Okubo iti Philippine Military Academy idi 1992 ken nagbalin a Chief iti Special Action Force nga idadauloan itan ti maysa pay a Cordilleran a ni PBGEN. Rudolph Dimas.