BAGUIO CITY – Nakoronaan ti Igorota-Belgian kas Miss Face of Tourism Philippines 2019 iti naangay a pageant sadiay Pasay City.
Imbagi ni Roxanne Baeyens ti Baguio City ngem ipampannakkelna a tubo daytoy ti Mt. Province ken naipasngay ditoy siudad.
Napangabakan pay ti Igorota beauty ti Face of Festivity iti Best in Festival Costume ti nasao a pageant.
Gapu iti panangabak ti 22-anyos ket ibagi ken ital-ona ti Pilipinas kas major tourism destination iti maangay a Miss Tourism and Culture Universe sadiay Myanmar inton bulan ti June.
Nailadawan a ni Roxanne kas maysa nga artist, beauty queen, fashion/commercial model, TV host ken cctress.
Pinagyamananna met dagiti amin a nangipaay iti suporta iti panakisalipna iti nasao a pageant.
“To the City of Baguio, thank you for the never ending support! It is my pride and honor to represent our city. PROUD CORDILLERAN!!!” – Roxanne