Dumanonen iti agarup 370 dagiti undocumented a Pilipino sadiay Estadus Unidos.
Iti pannakiuman ti Bombo Radyo kenni Delfrado Villanueva Jr., Bombo International News Correspondent sadiay California USA, kinunana a 25,000 a Pilipino ti na-deport manipud Oktubre 1, 2024 agingga January 18, 2025.
Innayon ni Villanueva Jr. nga immuna a kinuna ni Philippine Ambassador to the United States Jose Manuel Romualdez a 60 agingga 80 a Pilipino ti posible a sumango iti deportation kalpasan nga inarestar dagiti kameng ti U.S. Immigration and Customs Enforcement’s (ICE).
Manipud idi August 14, 2025, adda iti kostodiya ti Immigration and Customs Enforcement’s (ICE) ti agarup 70 a Filipino.
Posible a ma-ideport dagitoy gapu kadagiti kaso a sangsangwenda kas iti misrepresentation, violation of visa condition, TNT wenno “Tago ng Tago” ken dadduma pay.
Sigun kenni Villanueva, nalaka a bigbigen dagiti kameng ti Immigration and Customs Enforcement’s no siasino dagiti undocumented nga immigrants gapu iti teknolohiya nga ar-aramaten dagitoy.
Kabayatanna, karit kadagiti undocumented Filipino ti panangipatulod iti kuarta kadagiti pamiliada agsipudta, kasapulan ti Social Security Number.
Ngem sigun kenni Villanueva Jr., ipatulodda ti kuarta babaen iti tulong dagiti Pilipino a legal nga immigrants iti Estadus Unidos.
Impetteng ni Villanueva a naingit ita ti US Immigrationa office, tapno matungpal ti inkari ni US President Donald Trump.
Maipalagip a kinuna ni US President Trump kabayatan ti panagkampanyanna a linisinna dagiti “Illegal immigrants” kasta met dagiti kriminal a nagturong sadiay Estadus Unidos tapno aglemmeng.
Nupay kasta, mairamraman dagiti manarimaan ti pannakaiproseso ti papeles da gaputa, masukimat amin ti dokumento dagitoy.
Iti baet dayta, adda dagiti dadduma a Pilipino a mangidiaya iti tulong para kadagiti “Illegal immigrants” ngem mabalin a mairan dagitoy iti kanito a maduktalan dagiti otoridad.//MP4
