Naituding nga ileppas inton bigat, Nobiembre 9, ti House Committee on Good Government and Public Accountability ti imbestigasion iti pannakaaramat ti confidential funds ti opisina ni Vice President Sara Duterte.
Daytoy ket kinumpirmar ni Manila 3rd District Representative Joel Chua.
Inlawlawag ni Committee Chairman Chua a ti panagpatingga ti imbestigasion ket mangipalubos iti Armed Forces of the Philippines (AFP) ) a mangisayangkat iti imbestigasionda kadagiti alegasion a dua nga opisial ti militar ti nakaawat iti paset ti confidential funds manipod iti opisina ni Duterte.
Dinakamat pay ni Chua a ti desision nga agpatingga ti imbestigasion ket gapu iti impeachment complaints a naipila kontra kenni Vice President Sara.
Iti kanito a rumang-ay ti impeachment complaints, alaen daytoy ti House Committee on Justice, sigun kenni Chua.
Maipalagip a dua nga impeachment complaints ti naipila kontra kenni Vice President Duterte.
Ti umuna a reklamo ket impila ti nagduduma a grupo nga inyendorso ni Party-list Representative Perci Cendaña, bayat a ti maikadua ket insubmitir met ti Makabayan bloc.
