BAGUIO CITY- Naminsan manen a nagpalagip ti Bureau of Fire Protection iti panagridam ti publiko tapno maliklikan ti panakapasamak dagiti insidente ti uram nangruna ita a panawen ti kalgaw
Kasaruno daytoy tiu panakauram ti sangapulo nga ektarya ti kalawana a karuroutan iti Sitio Basao, Barangay Dilag ti Tabuk City, Kalinga a rinespondean ti Tabuk City Fire Station idi kalman.
Maibasar iti report ti nasao a bureau, naduktalan iti inisial nga imbestigasionda a nangrugi ti uram gapu iti panagpuor ti maysa a residente sadiay kadagiti basura no sadino nangitunda ti napisa nga angin iti panagwaras ti apoy agingga a dimmanon iti karuruotan
Naamuan pay a dimmanon iti dua nga oras ti panagsebseb dagiti bombero iti nasao daytoy.
Awan ti nadangran nga indibidual ken nairaman nga istruktura kabayatan ti insidente bayat nga agtultuloy ti imbestigasion dagiti otoridad tapno maamuan ti pakabuklan a danyos idi daytoy.
Gapu iti insidente, ipalpalagip manen dagiti maseknan nga opisyal ti paangbalin a responsable dagiti umili partikular iti panagpuorda kadagiti basura, panagdalimanek kadagiti kagawaan a mabalin a mapuoran ken ti panangliklik iti kaingin farming a maysa a mangituntunda iti uram. **with reports Tabuk City-LGU
