Manarimaan ti imbestigasyon dagiti otoridad iti nabatbati a pito a kaso ti shooting incidents sadiay Abra kabayatan ti election period.
Iti panakiuman ti Bombo Radyo kenni Daniel Pel-ey, Public Information officer ti Abra Police Provincial Office, dumanon iti tallo pulo ket innem ti nailista dagitoy a shooting incidents no sadino siyam ti naberipikar kas election- related incidents.
Sigun kenni Pel-ey, kadagiti nasao nga insidente, dua pulo ket maysa nga indibidual ti pimmusay.
Kaadoan met kadagiti nasao a kaso ket naipilan dagiti kaskenan a kaso nupay kasta makumkompleto pay laeng dagiti dokumento para kadagiti nabatbati a kaso iti shooting incidents.
Gapu iti dayta, makidkiddaw ti tulong ti publiko para iti panangipaay dagitoy iti impormasyon para iti panakaipaay ti hustisya kadagiti biktima.
