Manarimaan ti imbestigasyon dagiti otoridad iti napasamak a collision ti American Airlines regional jet iti U.S. Army Black Hawk helicopter, asideg iti Reagan Airport sadiay Washington.
Maibasar iti report, adda ti pimmusay nupay kasta, awan ti kanayunan a detalye a naipaay.
Sigun iti U.S. Federal Aviation Administration, paturong ti regional jet iti airport idi naibangga daytoy iti Black Hawk helicopter.
Ti regional jet ket nagtaud manipud Wichita, Kansas ken addaan daytoy iti 64 a pasahero bayat a ti U.S. Army Black Hawk helicopter ket nakaluganan iti tallo a soldado.
Kabayatanna, ado nga ahensya ti nakitulong iti maipatpatungpal a search and rescue operation iti napasamak nga insidente.
Iti agdama, awan pay ti survivors a nakita.
Naisardeng met amin a takeoffs ken landings iti Reagan Airport.
