Manarimaan ti imbestigasyon dagiti otoridad iti napasamak nga uram idiay Upper Purok 3, KM4 Asin Road, Baguio City pasado alas sais iti agsapa ita nga aldaw.
Ti pasdek a nauram ket maysa a garahe a naglaon kadagiti scrap pakairamaan iti plastic, bote, lata, lugan ken papel.
Balligi met daytoy a nasebseban pasado alas siete iti metlaeng agsapa.
Sigun iti maysa a caretaker, awan ti tao iti nasao a lugar idi napasamak ti uram.
Iti baet dayta, awan ti sabali a pasdek a nairaman a nauram, ken awan iti nadangran iti daytoy.
Iti agdama, dukduktalenda paylaeng ti rason iti panakapasamak ti nasao nga uram.//Bombo Genzel Depayso