Situtulok ti Department of Information and Communications Technology (DICT) iti imbestigasyon ti Office of the Ombudsman seknan iti maatap a “ghost internet” scheme a nakairamanan ti government IT systems ti ahensiya.
Sigun iti ahensiya, nakasagana a mangipaay iti kasapulan a records ken datos para iti imbestigasyon.
Iti statement ti DICT, kontra daytoy iti korapsyon ken impasiguradoda nga umno ti pannakaipaay dagitoy iti serbisyo.
Impetteng ti ahensiya nga impatungapalda ti safeguards, nainget a service level agreement enforcement, napasayaat a contract management, regular nga internal audits ken natibtibker a performance validation.
Innayon ti ahensya a naituding ti technical audits ken contractual penalties kadagiti maipadamag a non-performing ken inactive sites.
Maipalagip nga immuna nga inwaragawag ti Office of the Ombudsman a nangiyuswat daytoy iti fact-finding investigation iti maatap a “ghost internet” scheme iti DICT no sadino, agar-aramat dagiti contractors iti outdated, peke ken nababa ti kalidad na a software kadagiti ahensiya ti gobierno.