--Ads--
BAGUIO CITY – Agtultuloy ita ti nainget nga imbestigasyon dagiti otoridad iti pammaltog a nagresulta iti ipupusay ti Deputy City Prosecutor ti Ilagan City, Isabela idi kalman.
Nabigbig daytoy a ni Atty. Victor Begtang Jr., residente ti Malama, Conner, Apayao.
Maibasar iti report ti pulisya, pinalpaltogan dagiti saan pay a nabigbig a suspek a naka-motorsiklo ti biktima iti asideg ti pagtaengan daytoy sadiay Barangay Malama, Conner iti agarup alas-2:20 ti malem.
Gapu iti daytoy, nagsagrap ti abogado iti uppat a tama ti bala ti paltog.
Naitaray pay ti biktima iti Conner District Hospital ngem saanen a nakalasat.
